Makikikoordinar itan dagiti kameng ti pulisya iti City Engineering Office ken dagiti maseknan a barangay officials para iti pannakaimuntar dagiti nagduduma a road signages sadiay Bakakeng Norte Sur, Baguio City kasaruno ti napasamak a vehicular traffic accident idi agsapa.
Iti panakiuman ti Bombo Radyo kenni PMAJ. Carlos C. Puguan Jr., Chief of Police ti Baguio City Police Office, Police station 10, kinunana nga accident prone area ti nakapasamakan ti vehicular traffic accident idi kalman rason a kasapulan dagiti road signages.
Daytoy ket tapno matulungan wenno maigeya dagiti biyaheros seknan iti terrain iti nasao a lugar a pababa, pasang-at, ken pakurba.
Innayonna pay nga idi napalabas a tawen ket adu dagiti nailista dagitoy a napasamak a vehicular traffic accident iti siyudad ti Baguio, saan laeng a sadiay Brgy. Bakakeng.
Gapu iti dayta, agpalpalagip daytoy kadagiti drivers tapnu check-upenda dagiti luganda sakbayda nga agbiyahe kangrunaan kadagiti jeepney drivers gapu ta nakadependar kadakuada ti seguridad dagiti pasaherosda.
