BAGUIO CITY – Maur-uray laengen iti panangipaay ti Department of Health (DOH) iti license to Operate(LTO) iti kaipatpatakder nga isolation facility sadiay Benguet General Hospital(BeGH).
Sigun ken Benguet Governor Melchor Diclas, adaan ti pasilidad iti 16-bed capacity ken napondoan iti P13-M manipod iti Department of Public Works and Highways(DPWH)
Mainaig iti dayta, kinunana ni Gov. Diclas a manamnama a maaramat wenno marugyan ti operasyon ti molecular laboratory sadiay kabayatan met iti pannakauray ti Liscence to Operate daytoy manipod iti Research Institute for Tropical Medicine (RITM) ken DOH.
Kagiddan iti dayta, maururay metten a malpas ti renovation building iti dialysis center ti BeGh kalpasan a nagatang dagiti sangapulo a machine wenno unit para iti laboratoryo a pinundaan ti provincial government. (Bombo Razced Pagoli)
