Idagdagadag ti maysa a transport group iti Department of Education (DepEd) ken Technical Education and Skills Development Authority (TESDA) nga iramanda ti road safety literacy iti kurikulumda tapno makatulong a mangpasayaat iti disiplina ti publiko ken edukasion maipapan kadagiti pagannurotan ti trapiko.
Sigun kenni Leonard Bautista, executive vice president ti Liga ng Transportasyon at Operators ng Pilipinas (LTOP), nasken met a maipakaammo iti publiko, saan laeng a dagiti motorista, dagiti karatula iti kalsada ken safety measures.
Kinuna daytoy ni Bautista kalpasan a naibaga ti pakaseknan dagiti modern jeepneys a makilumlumba iti panangala iti pasahero.
Patienna a ti disiplina ket umuna nga agtaud kadagiti pasahero, nangruna kadagiti estudyante.
Maipalagip nga idi Marso, idagdagadag ti Department of Health ti pannakaamyendar ti agdama a polisia seknan iti kinatalged iti dalan gapu iti panangngato ti bilang dagiti matmatay ken madandangran manipod iti insidente iti kalsada.
