BONTOC, MOUNTAIN PROVINCE- Agtultuloy latta ti pannakaisayangkat iti manerwap maysa a rain-calling ritual dagiti umili idiay Bontoc, Mt Province iti panawen iti tikag tapno makiddaw iti panagtudo.
Gapu iti daytoy,napadayawan dagiti umili sadiay babaen iti panangisayangkatda iti daytoy tapno saan a malipatan ti nabaknang a tradisyon iti nasao a lugar.
Apresyaren pay ni Provincial Indigenous Peoples Mandatory Representative (IPMR) Tomas B. Tawagen dagiti umili sadiay agsipud ta napateg la unay ti panagtudo tapno adda iti pagsibog kadagiti mula dagitoy.
Malaksid iti dayta, kas paset iti manerwap nangisayangkat metlaeng dagitoy kadagiti sumagmamano a traditional practices kas iti “chinet,” “tengaw” wenno rest day, “chepap,” “tungtungo,” “pasuk-ey,” ken chaing.
Naisayangkat metlaeng ti panagtukar kadagiti gangsa, sagni wenno dagiti tradisyonal a sala ken dadduma pay.
Kabayatanna, maipalagip nangrugi a naisayangkat ti rain callin ritual a manerwap idi Marso, iti agdama a tawen.
