Inwaragawag ti Philippine Statistics Authority (PSA) a na-endorson iti Office of the Solicitor General (OSG) ti pannakakanselar ti certificate of live birth (COLB) ni suspended Bamban, Tarlac mayor Alice Guo.
Kinuna ni Philippine Statistics Authority Assistant National Statistician Marizza Grande awanan dagitoy iti bileg a mangkanselar iti nasao a certificate isu’t gapuna nga na-endorso daytoy iti Office of the Solicitor General.
Maibasar iti imbestigasyon, naduktalan a ti negatibo a sertipikasion manipud iti National Statistics Office (NSO) ket ti kakaisuna a naisumbitir para iti late registration of birth-da Guo ken ti kabsatna a ni Shiela.
Sigun kenni Grande, ti nasao a negative registration ket manipud iti opisina ti National Statistics Office (NSO).
Innayon pay ni Grande a naipaulog ti negatibo a sertipikasion manipud iti National Statistics Office (NSO) idi nakasaganan dagiti certificate of live birth (COLB) para kadagiti nasao nga agkabsat.
Apaman a makanselar ti certificate of live birth (COLB) ni Guo maikonsiderar a “floating” ti pakabigbigan daytoy.//Rose
