--Ads--
Nag-resume ti pannakakolektar dagiti non-biodegradable a basura iti siudad ti Baguio kas panangsurot iti regular nga schedule a panangibelleng iti basura kadagiti babbarangay iti siudad ita nga aldaw.
Daytoy ket kalpasan a naipasardeng ti panangkolektarda iti basura idi June 3, 2025.
Nupay kasta, saan dagitoy nga agkolektar kadagiti nabubulok a basura no sadino kiddawda a ma-compost dagitoy kadagiti babbalay wenno imaton ti tunggal barangay.
Gapu iti dayta, daytoy ti pakaseknan ti publiko nangruna dagiti agnanaed kadagiti apartments, boarding house ken iti sentro ti siudad.
Kidkiddawen met ti General Services Office ti pannakaawat ken kooperasyon ti publiko babaen iti umno a panangimanehar iti basura.
