Panggep ti Barangay Camp 7, Baguio City a matarimaan ti kanal wenno drainage a mangituntunda iti layus sadiay.
Kasaruno daytoy iti reklamo a naawat dagiti maseknan nga opisiales manipud kadagiti residente.
Maibasar iti panagsukimat dagiti opisiales ti nasao a lugar, naobserbaranda ti naurnong a danum a nagtaud metlaeng kadagiti babbalay ken sumagmamano a commercial buildings sadiay.
Sigun kenni Barangay Kagawad Joan Bimmawig, itay laeng nabiit a naawatda ti reklamo.
Inaklon ti nasao nga opisial nga idi paylaeng napalabas a tawen ti nasao a pakaseknan ngem awan ti naaw-awatda a report.
Kabayatanna, agkidkiddaw ni Bimmawig iti pannaka-awat manipud kadagiti residente iti nabayag a pannakaitarimaan ti nasao a kanal.
Sigun kenni Bimmawig, saan paylaeng a marugian ti proyekto agsipudta, kasapulanda nga agsapol iti pondo.//via Bombo Noveh Organo
