Kidkidawen ita dagiti sumagmamano a residente ti Barangay Beckel nangnangruna dagiti agtatrabaho ken studyante iti Department of Public Works and Highways (DPWH) kas implementing agency a mapapartak kuma ti trabaho iti matartarimaan a kalsada a nakatayan ti maysa a menor-edad.
Sigun kenni Elma Aquino, residente iti nasao a barangay, perwisyo ti naipaay ti pannakaisara ti kalsada a diretso nga agturong idiay Busi, Central Beckel, ken Sabkil.
Sigun kenkuana, imbes a diretso nga ada ti mapara da a lugan, saanen gapu ta kasapulanda a magmagna paturong idiay Central Beckel tapno laeng makaluganda.
Sigun kenkuana, apektado metlaeng dagiti nadakamat a dadduma pay a lugar. Innayonna pay a nupay ada ti alternatibo a dalan a pagnaan ti lugan,manglikaw laeng daytoy.
Kabayatanna, innayon pay ti nasao a residente nga idi Hunyo a nangrugi ti trabaho ngem sumagmamano laeng a lawas ti napalabas ket naisardeng ti panangtrabaho sadiay ken naikat dagiti dadduma a heavy equipments.
Malaksid iti dayta, maysa a pakaseknan ket ti alternatibo a ruta gapu ta nailet daytoy.
Masansan maaddaan iti nailet a gunay ti trapiko nangnangruna iti alas-9 agingga alas-10 ti agsapa ken alas-tres agingga alas-sais ti malem. Kinuna pay ni Aquino nga adda dagiti sayangguseng a mangmangeganda a ti rason ti panagsardeng ti pannakatarimaanti kalsada ket nalukneng ti pundasyon.
Iti baet dayta, kinunana a anyaman a rason dayta, mangnamnama daytoy a mapartakan ti pannakatarimaan ti nasao a kalsada.
Kabayatanna, naisurat iti karatula a naikabil iti nasao a kalsada, nangrugi ti trabaho idi Hunyo 4 babaen iti kontraktor a Chungalan Construction. Addaan daytoy iti contract cost nga agaruo P12.4 Milyon ken manamnama a mailepas daytoy inton Disyembre iti agdama a tawen. //Bombo Noveh Organo
