Isagsagana ti Philippine National Police dagiti kaso a maipila kontra kadagiti indibidual a maipagarup a timmulong kenni Kingdom of Jesus Christ (KOJC) leader Apollo Quiboloy, gapu iti pananglapped dagitoy a magun-od ti hustisia.
Sigun kenni Philippine National Police Chief Police General Rommel Marbil, manarimaan ti naan-anay nga imbestigasion tapno maammuan dagiti timmulong kenni Quiboloy a mangliklik iti pannakatiliw daytoy.
Kabayatanna, impaganetget ti Philippine National Police nga adda iti suporta dagiti nasinged a kakadua ni Quiboloy, pakairamanan dagiti legal representatives daytoym nu sadino patienda a dagitoy ti nangyaw-awan kadagiti otoridad maipapan iti lokasion ti nasao a pastor bayat ti panakaipatunpal ti warrant of arrest kontra kenkuana.
