Parikut ita dagiti addaan iti lisensia nga small time trader iti fireworks ti kinaawan ti paglakuanda nangruna ita a naipawil ti panaglako iti paputok wenno palibang iti siudad iti Baguio ken probinsya iti Benguet.
Iti interview iti Bombo Radyo kenni Agnes Montoya, Spokesperson iti Pailaw Association, kinuna daytoy a rumbeng a paingetan ti gobierno ti pagalagadan dagitoy kadagiti mailalako a paputok wenno palibang iti online tapno patas para kadakuada nga small time trader nga addaan iti lisensia.
Kabayatanna, impetteng ni Montoya a saanda a makipaspaset iti bidding para kadagiti fireworks a maus-usar kadagiti napapateg nga okasion iti siudad agsipudta patienna a saanda metlaeng a mangabak ken dagiti bigtime trader laeng ti maipaayan iti gundaway.
Mainaig iti dayta, umap-apela ti nasao nga opisial iti gobierno para iti patas a laban iti nagbaetan dagiti small trader ken bigtime trader tapno maipaayan metlaeng dagiti tattao a mangayat nga agrambak iti Paskua ken Baro a Tawen babaen iti fireworks a mabalinda a gatangen kadagiti retailer.//mp4
