BAGUIO CITY – Pimmusay ti maysa nga operator kalpasan a maatap a natnag ti inmanehona a payloader iti 100 a metro ti kaunegna a rangkis sadiay Sangilo, Poblacion, Itogon, Benguet idi kalman.
Nabigbig daytoy a ni Jason Tafucay Botis, 31-anyos, naasawaan, tubo ken residente ti Sablan, Benguet ken agpapaay iti maysa a kompanya ti pagminasan iti nasao a lugar.
Iti inisyal nga imbestigasion ti Itogon Municipal Pilice Station, agop-operate iti payloader ni Botis ken daldalyasatenna ti lasonglasong ken saan a sementado a kalsada a paturong iti Tailing Site ti kompanya ti pagminasan ngem kilaat a natnag iti iti rangkis nga adaan kauneg a 100 a metro ti imanmanehona a payloader.
Nasarakan dagiti katrabahuan ni Botis ti bagi daytoy ken naiturong pay iti Baguio General Hospital ngem naideklara a dead on arrival.
Agtultuloy ti imbestigasion ti pulisya iti nasao nga insidente.
