Imparit ni President Ferdinand Marcos Jr. dagiti amin a Philippine offshore gaming operators iti pagilian a Pilipinas.
Iti maikatlo nga State of the Nation Address ni Marcos Jr., impeksana a ti Philippine offshore gaming operators ket kapaspasamakan dagiti amin a saan a nasasayaat a bambanag kas iti scamming, money laundering, prostitution, human trafficking, kidnapping, torture, ken murder.
“The grave abuse and disrespect to our system and laws must stop. Kailangan na itigil ang pang gulo nito sa ating lipunan at pag lalapastangan sa ating bansa”
President Ferdinand Marcos Jr.
Sigun kenni Marcos Jr., nasken nga agsardengen dagiti amin a panang-abuso ken saan a panagrespeto iti sistema ken linteng ti pagilian kasta met a nasken nga agsardeng ti anyaman a panangbabalaw ken panangpadakes iti pagilian a Pilipinas.
Gapu iti dayta, epektibo nga impaparit ti presidente dagiti amin a Philippine offshore gaming operators iti pagilian ita nga aldaw
“Effective today, all POGOs are banned”
President Ferdinanad Marcos Jr.
Maipalagip nga idi napalabas a lawas ket inrekomendar ni Department of Finance Secretary Ralph Recto ti panakaiparit dagiti amin nga operasyon ti POGO gapu kadagiti ado nga isyu a mapaspasamak.
Daytoy ket resulta dagiti POGO hubs a naraid a nakaitundaan ti panakadiskobre dagiti equipments a maar-aramat iti love scam, panangdangran ken daduma a kita ti krimen.
“I hereby instruct PAGCOR to wind down and cease all operations of POGOs by the end of the year”
President Ferdinand Marcos Jr.
Kabayatanna, binilin ni Marcos Jr. ti Department of Labor and Employment (DOLE) a mangsarak iti baro a trabaho kadagiti Pilipino a maawanan iti trabaho.
Nagballaag met ti Association of Service Providers (ASAP) ken ti POGOs nga agarup 23-K a Pilipino ti maawanaan iti trabaho iti kanito a maiparit dagiti hubs.
