Karaman ti maysa a Pinay kadagiti pimmusay iti napasamak a Hurricane Milton sadiay Tampa, Florida itay nabiit.
Nabigbig ti biktima a ni Luisa Santos, 73-anyos ken agtatrabaho iti Oakland Manor Assisted Living.
Maibasar iti imbistigasion dagiti otoridad, manarimaan ti panaglinis ni Santos kadagiti paset ti kayo tapno mapagtalinaed ti siguridad dagiti dua pulo ket walo a senior residents iti Oakland Manor Assisted Living.
Nupay kasta, killat a natnag ti kayo iti pasilidad a nangitunda iti ipupusay ti biktima.
Sigun iti asawa ti biktima, manarimaan ti panagputod ni Santos kadagiti sanga ti kayo idi napasamak ti insidente.
Kinuna met ti anak ni Santos a ni Wendy Tantozo, nakariing ti ina na bayat iti panangdalpus ni Milton tapno agtalinaed ti kinatalged dagiti senior citizen iti pasilidad dagitoy.
Iti agdama, ur-urayen paylaeng ti Philippine Embassy sadiay Washington ti kanayunan nga impormasion manipud iti anak ti biktima.
