Kiniddaw ti Philippine National Police (PNP) iti Department of Justice (DOJ) nga iraman ni sigud a Negros Oriental Governor Pryde Henry Teves ken sumagmamano pay nga indibidual kadagiti kaso a multiple murder ti sigud a mammanday-linteg a ni Arnolfo “Arnie” Teves Jr. gapu iti mapapati a pannakapapatay ni Negros Oriental Governor Roel Degamo idi 2023.
Sigun iti hepe ti PNP-Criminal Investigation and Detection Group a ni Police Brigadier General Nicolas Torre III a naisubmitir daytoy para iti case build-up.
Kinuna ni Torre nga adda dagiti ebidensia a nadiskobre a nairaman tapno maadal dagiti prosecutors.
Karaman kadagiti nadiskobre ket dagiti eksplosibo ken paltog.
Ni Teves ket agtaray iti kina-Gobernador iti nasao a probinisa iti masungad a May 2025 elections.
Ni Arnie Teves, nga agsubli paylaeng iti Pilipinas ket sumangsango iti nagduduma a reklamo iti maysa a korte idiay Manila.
Ni Degamo gamin ken lima a dadduma pay ket napapatay idi pinalpaltugan daytoy dagiti armado a grupo bayat nga agiwarwarasda iti tulong kadagiti umili idiay Pamplona, ken maitudtudo a ni Teves ti nangpapatay.
Ngem inulit ulit ni Teves a pinaglibakan ti pammabasol.
