BAGUIO CITY – Kasapulan pay a paingten ti police visibility wenno police presence partikular kadagiti crime prone area wenno traffic prone area.
Iti interview ti Bombo Radyo kenni PCol. Ruel Tagel, City Director ti Baguio City Police Office, nabagaana dagiti masakupan daytoy seknan kadagiti nagduduma nga akem ken responsibilidad dagiti kameng ti pulisya ken daduma pay.
Sigun kenkuana, kasapulan nga eexercise dagiti pulis ti disciplinary authority bayat ti panangipatungpalda kadagiti akem dagitoy nu sadino rumbeng a mentally ken physically fit dagitoy.
Kinunana a nagasat iti sigud a City Director nu sadino ituloyna ti programs and activities daytoy ken posible a mangipaam-ammo ti baro a daduma pay nga inisyatibo.
Maysa kadagiti namnamaen daytoy iti masakbayan ti panakaaramid ti application tapno makatulong iti panakaimanehar ti gunay ti trapiko iti siudad ti Baguio ken ti panaka-impluwensiya ti behavior dagiti tattao babaen iti umno ken umdas nga impormasyon.
Iti sabali a bangir, ipangpangruna ni PCol. Tagel ti maximum deployment dagiti personnel iti siudad para iti kinatalged dagiti umili bayat ti panakalagip dagiti ay-ayaten iti biag inton Nobyembre.
Iti agdama, pakabuklan a 1,358 personnel ti mangbukbukel iti Baguio City Police Office.
