--Ads--
Impasigurado ni Public Order and Safety Division a nakasaganan dagitoy iti manamnama nga isasangabay ti La Niña phenomenon.
Kinuna ni Daryll Kim Longid nga idi bulan ti Pebrero ket nakikoordinarda iti City Environment and Parks Management Office para iti panakapukan dagiti kayo a mabalin a mangitunda ti peggad iti panawen ti panagtutudo.
Impaganetgetna a nasken a maipatungpal dagiti preventive measures kas iti panangpukan kadagiti kayo tapno maliklikan ti dakkel nga epekto dagiti aniaman a didigra a mapasamak iti pagilian.
Sigun pay kenni Longid, nakasagana metten dagiti kagawaan dagitoy kas iti dagiti chainsaw, safety hats nga aramatenda para iti dagus a panagrespondeda iti nasao a panawen.//Bombo Mera Pacpacan
