BAGUIO CITY – Suksukimaten paylaeng ti probinsia ti Kalinga ti posible a nagtaudan ti kanayonan a kaso dagitoy iti B.1.351 wenno South African Variant ti COVID19.
Sigun kenni Dionica Alyssa Mercado, Public information officer iti probinsia, posible a locally transmission ti rason iti panakaakar 28-anyos a babai manipud Kapanikian, Pinukpuk Junction, Pinukpuk, Kalinga no sadino nakolektar ti specimen daytoy idi Hunyo 28.
Kabayatana, kinunana met a kasapulan a maipasidong iti quarantine wenno isolation dagiti na-contact trace a nakapulapol ti kaudian a kaso.
Malaksid iti daytoy, manarimaan pay ti monitoring iti nadakamat a pasiente gaputa naileppasna ti 14-day quarantine daytoy.
Iti agdama ket dumanonen iti 20 a kaso ti B.1.1.7 (UK) variants ken dua nga B.1.351 (South African) variants ti nailista ti nasao a probinsia nu sadinno manipod ti 21 a kaso ti UK variants maysa ti nailistada a pimmusay.
Umap-apelada met iti publiko ken dagiti panggepna nga agturong iti probinsina ti panagtulnogda kadagiti maipatpatungpal a pagalagadan sadiay kas iti maikalkalikagum a resulta ti RT PCR Test sakbay a makastrekda iti probinsia.
VC MERCADO 2 (Dionica Mercado,Public information officer iti probinsia ti Kalinga)
