Inikaten ni President Donald Trump ti Estados Unidos iti World Health Organization, a posible a mangpataud ti dakkel a pakaseknan ti organisasion a manglaban kadagiti sakit ken mangsungbat kadagiti emerhensia iti intero a lubong nga awan ti kadakkelan a mangpunpundo.
Maibasar iti rekord, ti Estados Unidos ket nakaibingay gamin iti agarup ti 18% a pondo para iti World Health Organization.
Ti dua a tawen a badyet ti ahensia para iti 2024-2025 ket $6.8 bilion.
Iti nasao a panawen, pinunduan ti Estados Unidos ti 75% iti programa ti World Health Organization para iti human immunodeficiency virus (HIV) ken dadduma pay a sakit a mayakar babaen ti pannakainaig ken nasurok a kagudua kadagiti kontribusion ket para iti pananglaban iti tuberculosis.
Ti Estados Unidos ti kangrunaan a donor iti sangalubungan para iti salun-at, a nakaipaay ti $15.8 billion idi 2022, sigun iti Donor Tracker, maysa a platform tracking development funding.
Agduadau pay ni Trump iti negosasion nga idauluan ti WHO para iti katulagan kalpasan ti COVID pandemic a nairanta a mangpasayaat iti global solidarity inton dumteng ti sumaruno a pangta iti salun-at.
Sigun iti bilionario nga alyado ni Trump a ni Elon Musk, saan koma nga isuko ti otoridad dagiti pagilian iti World Health Organization, ken isardeng ti Estados Unidos ti negosasion maipapan iti katulagan.
