Impaganetget ni President Ferdinand ”Bongbong” Marcos Jr. a saan nga agtatrabaho daytoy kadagiti aniaman a “napapateg” wenno “napipigsa” a pagilian pakairamanan ti Estados Unidos ken China.
Nadakamat daytoy ni President Marcos Jr bayat ti “bilateral meeting” daytoy kenni Lithuanian Prime Minister Ingrida Šimonyte idi kalman.
Agpada a dinakamat ti dua a pagilian ti takderda iti panangitandudo iti urnos a naibatay wenno nakabasar iti “international law” tapno magun-od ti talna ken kinatalged.
Ti Pilipinas ken China ket mapaspasaran ti saan a panagkikinnaawatan iti West Philippine Sea bayat nga adda met ti pakaseknan ti Lithuania iti Russia.
Kabayatanna, ilawlawag ni Marcos Jr., a nakikadua daytoy iti dadduma a pagilian tapno maipakita ti napigpigsa a timek a mangsuporta iti “international law” ken kasta met a kas panangsuporta iti soberanya ti maysa a pagilian.
