--Ads--
Indeklara ni President Ferdinand Marcos Jr. ti bulan ti Mayo kas bulan ti “Ease of doing business” (EODB) nga addaan panggep a mangital-o iti business-friendly environment.
Maibasar iti Proclamation No. 818, dinutukan ni Marcos Jr. ti Anti-Red Tape Authority (ARTA) a mangidaulo iti tinawen a panakaobserbar ti bulan ti “Ease of doing business” kasta met ti panakabigbig dagiti programa, aktibidad ken proyekto a mainaig iti nasao a selebrasyon.
Makidkiddaw met ti aktibo a partisipasyon dagiti non-government organizations (NGOs) ken private sector iti nasao a selebrasyon.
Ti panakaideklara ti Mayo kas “Ease of doing business” (EODB) ket mangpasayaat iti ekonomiya ti pagilian.
