--Ads--
Nakikaykaysa ni President Ferdinand “Bongbong” Marcos Jr. iti publiko kagiddan ti panang-obserbar iti All Saints’ Day ken All Souls’ Day ita nga aldaw.
Inyebkasna a rumbeng nga ididekar dagiti Pilipino ti dua nga aldaw ti Nobyembre babaen iti panagkararag ken pananglagip iti presensya dagiti pimmusay nga ay-ayaten iti biag.
Kiddawna metlaeng ti salun-at ken biag ti tumunggal maysa.
Daytoy ket kagiddan ti panagbisita dagiti adu a tattao kadagiti sementeryo.
Impettengna pay a ti All Saints’ Day ken All Souls’ Day ket mangipalagip iti paraiso nga agur-uray kalpasan ti panagrigrigat iti rabaw ti daga.
Kiddawna metlaeng ti solemn ken meaningful a panang-obserbar ita nga aldaw.
