--Ads--
Impetteng ti Malacañang a respetuen ni President Ferdinand ”Bongbong” Marcos Jr. ti desisyon ni Baguio City Mayor Benjamin Magalong a panaglosulos kas special adviser iti Independent Commission for Infrastructure.
Sigun kenni Palace Press Officer Undersecretary Atty. Claire Castro, naawaten ti presidente ti resignation ni Mayor Magalong.
Kinunana a bigbigen ti Presidente ti kinalaing ni Mayor Magalong ngem impettengna a saan kuma a makaapektar ti panaglosulos daytoy iti trabaho ti Independent Commission for Infrastructure.
Innayonna a silulukat dagitoy iti tulong ni Mayor Magalong para iti nasao a body.
