BAGUIO CITY – Agtaltalinaed a nababa ti presyo dagiti nagduduma a klase ti sabong iti baet nga oversupply daytoy iti agdama.
Iti interview ti Bombo Radyo kenni Andy Colte, Siyentistang magsasaka on Cutflower – Philippines, inlawlawagna a bagsak presyo ti sabong gapu ta matumal ti gumatang iti nagduduma a klase ti sabong iti merkado iti baet ti ninamnama-da a ngumato ti presyo daytoy idiay Manila.
Kinunana pay a marikrikna dan ti panagbaba ti lebel ti danum iti karayan nupay man adda dagiti wagas nga ar-aramidenda tapno masibogan ti mula dagitoy.
Kabayatanna, kinuna ni Colte a 1% kadagiti mannalon ket napasaranda ti epekto ti El Niño phenomenon gapu ta kellaat a napukawanda ti suplay ti danum iti source da a banatay bayat ti panagmula dagitoy.
Nu maipanggep met kadagiti cut flower farmers, iremremedyo-da ti panagsibogda kadagiti sabong iti dua wenno tallo nga aldaw nangruna nu saan a nakaro ti init.
Gapu iti dayta, singasing dagitoy iti Department of Agriculture ken Local Government Unit a mapondoan wenno maipaayanda ti hose wenno reserve tank a pag-urnonganda ti danum.
Kabayatanna, pagsagsaganaan ita dagiti cutflower industry ti bulan ti Mayo para iti Mother’s Day.
Nupay kasta, kinuna ni Colte a weekly ken monthly ken mangiruruar dagitoy ti sabong ta adda ladta dagiti masupsuplayan.//Bombo Marinel Rodrigo
