Imbinglay ni Andy Colte Jr., maysa a miembro iti Cut Flower Indusry-Cordillera a saan unay a naapektaran dagiti flower growers iti rehion iti panagdalapos ti nagsasaruno a bagyo.
Iti panakiuman ti Bombo Radyo kenni Colte, naan-anay ti panagsagana dagiti cut flower growers ken farmers nu sadino, sinaksakbayandan ti posible nga agbalin nga epekto iti panniempo kadagiti mulada a sabong.
Mainaig iti dayta,dinakamat ni Colte nga adda ti saanda a napakadaan a pakaseknan bayat ti All Soul’s Day ken All Saint’s Day nu sadino, adda dagiti pribado nga indibidwal a saan a karaman iti maysa nga organisasyon wenno grupo dagiti flower growers a nangibagsak kadagiti apitda idiay Metro Manila.
Malaksid iti dayta, inlakoda laeng dagiti naapitda a sabong iti 180 wenno nababbaba ngem iti presyo dagitoy iti Baguio City.
Nupay kasta, manarimaan ti panakaiproseso dagiti kaskenan a banag para iti panangipaay ti gobyerno iti tulong kadagiti naapektaran a flower growers.
Iti agdama, agtultuloy latta met ti panagimula dagiti nasao a mannalon kadagiti produktoda nu sadino addan dagiti nakaimula para iti panagapit inton Disyembre, Pebrero, ken into bulan ti Mayo.//Bombo Rob Dominguez
