Sisasagana dagiti otoridad sadiay Mt. Province para iti umuna nga aldaw ti filling of candidacy dagiti agngayangay kadagiti nagduduma a posisyon ti gobyerno.
Iti panakiuman ti Bombo Radyo kenni Police Lieutenant Peter Apangcay, ti Deputy Police community affairs and development unit ken Public information officer ti Mt. Province Provincial Police Office, kinunana a 100% dagitoy a nakasagana para iti panakaprotektar dagiti indibidual nga agipila iti kandidaturada kasta met dagiti personnel ti Commission on Elections.
Sipapanakel met nga impakaamo ni Apangcay a ti probinsya ti Mt. Province ket saan a nabara ti panakaipatungpal ti eleksyon iti nasao a lugar gapu ta dagiti politiko ket agkukuyog pay nga agkampanya.
Malaksid iti dayta, kinuna ni Apangcay nga agraraira ladta ti kaugalin dagitoy nga “Inayan,” ti maipapan iti saan a panagaramid iti saan a nasayaat iti kapada a tao.
Kabayatanna, iti laksid a generally peaceful ti nasao a lugar, impasigurado ni Apangcay a dagitoy ket sitatalinaed a naridam kasta met a kiddawna kadagiti agngayngayangay a mintinirenda kuma ti nasayaat a karakter dagitoy.
