Nakasaganan ni undefeated Filipino boxer Carl Jammes Martin para iti professional debutna wenno umuna a laban daytoy sadiay Amerika sadiay Michelob Ultra Arena, Las Vegas, Nevada inton May 31, 2025.
Makalaban ti Igorot boxer ni Mexican journeyman Francisco Javier Pedroza Portillo no sadino targetna nga iknock-out daytoy.
Nainget ti panagsanayna gaputa napigsa ken saan a basta-basta ti mexican boxer a makalabanna iti non-title bout.
Iti pannakiuman ti Bombo Radyo kenkuana, kinunana a daytoy ti biggest break iti boxing careerna rason a kasapulan nga aramidenna ti kabaelanna.
Sigun kenkuana, saan nga agpakampante daytoy gaputa saan a basta-basta ti makalabanna agsipud ta daytoy ket masya a beterano ken dagiti kauddian a nakalabanna ket dagiti kapadana a beterano metlaeng.
Gapu iti dayta, saanna a sinayang ti orasna tapno agsanay gaputa adu pay dagiti kasapulan a maadalna a technique.
Inyebkasna met a nakarikna daytoy iti panagdanag ken pressure ngem gapu iti motibasyon dagiti coaches daytoy kasta metten a nangipaay iti pigsana dagiti napalabas a laban daytoy sadiay Mexico.
Iti kanito a mangabak daytoy, possible a makilaban daytoy iti World Boxing Organization, world championship.
Nupay kasta, kasapulan nga urayenna ti desisyon ni Japanese professional boxer Naoya Inoue.
Impettengna pay a dakkel a banag iti biagna dagiti pamilya daytoy agsipud ta dagitoy dagiti inspirasyonna iti karerana.
Kabayatanna, agkidkiddaw met daytoy iti suporta ken kararag para iti nasao a laban daytoy.
Maipalagip a nakanselar ti naituding a laban dagitoy kenni Colombian veteran Jose “El General” Sanmartin idi Abril, iti agdama a tawen sadiay Mandalay Bay, Las Vegas gaputa saan a naaprobaran ti visa ti nasao a kalabanna rason a sinukatan daytoy ni Portillo.
