BAGUIO CITY – Agtultuloy ti programa wenno kampanya ti Bureau of Fire Protection seknan iti Fire Prevention Month ita a bulan ti Marso.
Iti interview ti Bombo Radyo kenni Superintendent Marisol Odiver, dadaulo ti Bureau of Fire Protection – Baguio, naadaanda idi kalman ti “fire square road show” nu sadino nagserbi nga audienceda dagiti lokal ken dagiti turista.
Dinakamatna a ngumatngato ti kaso iti forest fire gapu iti epekto ti nabara a paniempo.
Kagiddan iti dayta, dinakamatna nga agtultuloy ladta ti ipatpatungpalda nga Information Education Campaign iti siudad tapno mapalagipan dagiti umili iti panangliklik iti uram.
Karaman metlaeng ti panakaipatungpal ti fire drills kadagiti private ken government agencies ken dadduma pay.
Innayonna pay nga agserserbi a karit kadakuada ti nabara a paniempo rason ti panakailista ti forest wenno grass fire rason nga ipalpalgipda manen kadagiti umili ti panangliklik ti panangipurwak iti nagupasan ti sigarilyo iti kabakiran, panag-uram ti basura ken dadduma pay.//Bombo Raz Pagoli
