Dakkel ti panagyaman ni Jhon Rey Mananeng, Sangguniang Kabataan Federation President iti Baguio City kadagiti Civil Society Organization (CSO), Non-government organizations (NGOs) ken kadagiti nagduduma nga organisasyon mainaig kadagiti agtutubo gapu iti agtultuloy a panagsuportada kadagiti programa, proyekto ken aktibidad dagitoy.
Iti panakiuman ti Bombo Radyo kenkuana, bababen kadagiti nadakamat nga organisasyon ket mabaelanda a makaipatungpal ti proyekto iti laksid a dagiti barangay ti siudad ket awanan pay ti pondo gapu ta saan a kompleto ti miyembro dagitoy.
Sigun kenni Mananeng, iggem dagitoy ti committee ti Sports and Youth development nu sadino maysa nga aktibidad dagitoy ket ti panakaisayangkat ti Batalympics.
Iti sabali a bangir, kinunana a mangipapaay daytoy ti memoramdum kadagiti opisyales ti Sangguniang Kabataan a saan nga aktibo kasta met a mabalin a mai-endorso dagitoy iti Department of the Interior and Local Government (DILG) nu dagitoy ket masuspindir wenno maikkat iti posisyon.
Kiddaw met ni Mananeng ti panakaawat dagiti barangay officials kadagiti daduma a miyembo ti Sangguninag Kabataan a saan unay a makipaspaset iti barangay council nangruna dagiti opisyales a manarimaan ti internship dagitoy.//Bombo Mera Pacpacan