--Ads--
BAGUIO CITY – Nakasaganan ti Public Order and Safety Division (POSD) a tumulong iti panangimanihar kadagiti turista bayat ti holy week.
Iti interview ti Bombo Radyo kenni Daryll Kim Longid, dadaulo ti POSD – Baguio, agtultuloy nga ipatpatungpalda ti mandato-da maipapan iti panakaimanihar kadagiti turista iti siduad kadwa da ti duduma pay nga enforcement agencies.
Kinuna pay ni Longid a bimmaba ti trend ti kaadu dagiti turista nu idilig idi napalpalabas a tawen ngem agtultuloy ladta ti ipatpatungpal dagitoy para iti pagrebbengan iti publiko.
Impaganetgetna met ti kooperasyon dagiti turista ken ti panagtulnogda kadagiti pagannurotan iti siudad.//Bombo Rob Dominguez
