Guyguyuguyen ni Atty, Reyman Solbita ti Tabuk Commission on Elections City Election Officer, ti publiko nga agparehistro sakbay ti naituding a deadline daytoy inton Setyembre trenta, iti agdama a tawen.
Iti pannakiuman ti Bombo Radyo kenkuana, kinuna a no mabalbalin ket agparehistro dagitoyen saanda nga urayen ti deadline gapu ta posible nga adu ti pila iti maudi a lawas ti nasao a registration period.
Kinunana a dagiti kasapulan nga itigut ket kas kadagiti kompleto a documentary requirements tapno naparpartak ti pannakaiproseso daytoy.
Agitugot laeng iti valid identification card, birth certificate wenno aniaman nga identification card nga addaan iti ladawan.
Daytoy ket tapno maliklikan ti panagloko agsipud ta dadduma kadagiti agparparahistro ket saan gayam nga isuda no diket nagaramat laeng dagitoy iti birth certificate.
Dagiti met agpangpanggep nga agtransfer ket mangala laeng iti proof of residency iti barangay a pagnanaedan.
