Nangipila iti sabali manen a “not guilty plea” ni Kingdom of Jesus Christ (KOJC) leader Pastor Apollo Quiboloy ken dagiti kakaduana para iti kaso dagitoy a child abuse a naipila kontra kadakuada iti korte idiay Quezon City.
Daytoy ket sigun kenni Atty. Mark Tolentino, legal counsel ni Quiboloy.
Nangrugi ti arraignment iti Quezon City Regional Trial Court Branch 106, a virtually a pinasetan dagiti akusado, agarup 1:15 p.m. ken nagpatingga idi agarup 2:10 ti malem.
Ni Quiboloy ken dadduma pay ket naibalud iti PNP Custodial Center sadiay Camp Crame.
Naipaulog ti warrant of arrest kontra kenni Quiboloy ken dadduma pay gaputa mapapati a panaglabsingda iti Special Protection of Children Against Abuse, Exploitation, and Discrimination Act kasta metten ti qualified human trafficking.
