--Ads--
Manamnama a mangrugi ti rainy season kadagiti umuna a lawas ti bulan ti Hunyo.
Sigun iti state weather bureau, masansanen a mapasaran ti panagtudo ken panagguru-od kadagiti nagduduma a paset ti pagilian a mangipaspasimudaag a dandanin mangrugi ti rainy season.
Maibasar iti climatological record ti nasao nga opisina,posible nga opisyal a sumrek ti nasao a paniempo bayat ti umuna a dua a lawas ti Hunyo.
Nupay kasta, agtaltalinaed latta a mapasaran ti nadagaang wenno napudot a tiempo kadagiti sumarsaruno pay nga aldaw nu sadino, agtultuloy latta a mapasaran ti narisgu a lebel ti heat index iti agadama a lawas.
