--Ads--
Agtultuloy latta ti panagresponde dagiti rescuers kadagiti na-stranded a residente gapu iti nakaro a panaglayos partikular idiay Bicol Region.
Sigun kenni Bicol police spokeswoman Luisa Calubaquib, agtultuloy ti panagrespondeda agsipud ta kaaduan kadagiti residente sadiay ket agkidkiddaw iti tulong babaen iti panangipablaakda iti social media.
Gapu iti daytoy, 30,000 a tattao ti napilitan nga agbakwit gapu iti kellaat a panagngato ti lebel ti danum kadagiti karayan a nangitunda iti pannakalayos dagiti babbalay.
Nupay kasta, agbalbalin a parikut kadakuada ti napigsa a panagbayakabayak ti tudo kasta metten ti napigsa nga angin.
