Manamnama nga aprobaran ti Commission on Elections (Comelec) en banc ti resolution a mangipalubos tapno mai-uplaod iti website dagitoy dagiti certificates of candidacies (COCs).
Sigun kenni Comelec spokesperson John Rex Laudiangco, immunan nga impetteng ni Comelec Chairman George Garcia a manamnama a maaprobaran daytoy.
Malaksid iti dayta, manamnama a maaprobaran ti resolution a mangipalubos a mangipakaammo iti publiko dagiti nasao a certificate tapno maituloy ti umno ken nadalus a panagkampanya ken tapno accessible dagiti impormasyon iti tumanggal botante a Pilipino.
Ti singasing a mangi-upload kadagiti certificates of candidacies (COCs) dagiti kandidato iti website ti Comelec ket insingasing ni sigud a Comelec Commissioner Greogorio Larrazabal tapno maipaayan dagiti botante a mangsukimat kadagiti kandidato.
Kinuna pay ni Laudiangco, babaen ti panangi-upload kadagiti dokumento ti publiko kas kadagiti certificates of candidacies (COCs) iti website ti ahensia ket maikkan met ti publiko iti gundaway a mangipila iti kaso ti eleksion kontra kadagiti kandidato apaman a naglabsing dagitoy.
Kabayatanna, inrekomendar ni Comelec chairman Garcia iti en banc a dagiti naawat a certificates of candidacies (COCs) ket mai-upload iti website ti comelec iti uneg ti dua a lawas manipud iti maudi nga aldaw ti pannakaipila ti nasao a sertipiko.
Daytoy ket kagiddan iti isyu a pakainagan ti nasuspindir a ni Bamban Mayor Alice Guo gapu iti nasyonalidadna a saan nga agpaypayso a Pilipino.//Rose
