Saan a nagleppas iti pageant ti responsibilidad dagiti dua pulo ket innem a candidates iti napalabas a Mr. and Ms. Benguet.
Iti interview ti Bombo radyo kenni Provincial Governor Executive Assistance Benguet Dr. Ryan Guinaran, inlawlawagna ti advocacy project dagiti Mr. and Ms. Benguet 2022.
Sigun kenkuana adda dagiti advocacy program a nakapila kadagiti nakipaset iti nasao nga pageant nu sadinno kinuna na nga agserbi dagitoy a modelo kadagiti agtutubo iti Benguet a makipaset kadagiti programa ti probinsya mainaig iti youth development.
Maipalagip a pinirmaan ni Governor Dr. Melchor Daguines Diclas ti Executive Order No. 2022-043 wenno ti Mister and Miss Benguet Leadership and Youth Advocacy Development (LAYAD) council.
Agserbi kas Benguet Chapter President da Governor Diclas ken agserbi met kas Vice Chairperson ni Board Member Jeston Balong-angey.
Kabayatana, impeksa ni Dr. Guinaran a balligi ti napasamak a maikadwa a Cordillera Authors Summit iti Baguio City idi January 6, 2023.
Sigun pay kenkuana, indaulan daytoy dagiti nagduduma a Cordilleran Authors a dumanon iti 16 nga authors manipud iti nagduduma a probinsya iti rehion Cordillera.
Sigun pay kenni Governor Executive Assistance Benguet Dr. Ryan Guinaran ti ka-adda ti Provincial Book Development board a mangipasigurado nga adda ti libo a mai-publish maipapan iti kultura ti rehion.
Kagiddan dayta, pinadayawan ken nagyaman met ni Provincial Governor Executive Assistant Dr. Ryan Guinaran kadagiti authors iti kontribusyonda para iti sumaruno a henerasyon.
