Pormal nga impakaammo ti Philippine Military Academy a pakabuklan iti 1,099 nga examinee iti intero a pagilian ti nakapasa iti Philippine Military Academy Entrance Examination 2024 a naipatungpal idi October 30, 2024.
Sigun iti nasao nga academy pakabuklan iti 21,796 nga examinee ti nakipaset iti nasao nga eksaminsyon ngem bassit laeng ti nakapasa.
Gapu iti dayta, dagiti nasao a passers ket naituding a sumangoda iti next phase iti Philippine Military Academy Cadet Admission Screening Process.
Daytoy ket pakairamanan ti kompleto a Physical, Medical, ken Neuropsychiatry Examinations a maipatungpal idiay AFP Medical Center, Camp Victoriano K Luna., V. Luna Avenue, Quezon City.
Kabayatanna, ti selection process kadagiti incoming Philippine Military Academy Class of 2029 ket posible nga agingga iti 1st Quarter ti CY 2025 kas panagsagana para iti admission inton June 2025.
Malaksid iti dayta, kasapulan nga urayen dagiti nakapasa a cadet candidates ti sumaruno nga instructions kadakuada rason a nasken a kitaen a kanayon dagiti email nga insubmitirda tapno mapakaammuan dagitoy.
