Impeksa ni House Quad Committee co-chairperson ken Surigao del Norte 2nd District Rep. Robert Ace Barbers a saan dagitoy nga isubmitir dagiti findings wenno resulta ti agtultuloy nga imbistigasyon seknan iti drug on war bayat ti Duterte Administration kadagiti kameng ti International Criminal Court (ICC).
Sigun kenni Barbers, tungpalen dagitoy ti inwaragawag ni President Ferdinand Marcos Jr. a saan bigbigbigen ti Pilipinas ti jurisdiction ti International Criminal Court iti pagilian a Pilipinas.
Kinuna ti nasao nga opisyal a suruten dagitoy ti impetteng ti Presidente agsipud ta saan metlaeng a miembro dagitoy iti nasao a korte.
Gapu iti daytoy, impettengna a saan dagitoy a mangipaay iti aniaman a dokumento wenno transcript nga inaramid ti Quad Comm seknan paylaeng iti extrajudicial killings.
Kabayatanna, impaganetget ni Executive Secretary Lucas Bersamin a ti polisiya ti gobierno ket saan dagitoy a makikooperate iti nasao nga imbistigasyon.
Nupay kasta, innayon ni Barbers a silulukat iti International Criminal Court kasta metteng dagiti investigators dagitoy nga icheck ti House hearings babaen iti social media.
