ATOK, BENGUET – Manarimaan ti panakaipatungpal ti road reblocking sadiay Paoay, Atok, Benguet.
Daytoy ket manipud Km. 49 agingga Asiong village.
Gapu iti dayta, mapaspasaran ti nailet a gunay ti trapiko no mamingsan.
Iti panakiuman ti Bombo Radyo kenni Councilor Edward Haight, kinunana a ti road reblocking ket posible a malpas kalpasan ti dua agingga tallo a bulan.
Iti nasao a konstrucksyon, agpada a lane ket matartarimaan rason a single lane ti daduma a paset.
Panggep daytoy a mas mapasayaat pay ti agdama a kalsada sadiay Paoay, Atok, Benguet tapno nasayaat a dalyasaten dagiti motorista nangruna ket umad-adado ti sumangsangbay gapu kadagiti ado a tourist attractions.
Kiddaw met ni Haight ti panakaawat ti publiko gapu iti mapaspasaran a trapiko nangruna iti paset ti Northern Blossom.
Kabayatanna, adda met ti naka-standby a personnel para iti panakaimanehar ti trapiko.
