BAGUIO CITY – Temporaryo a nailukat ti road-side parking kadagiti nagduduma a tourist destinations ditoy siudad ti Baguio.
Iti interview ti Bombo Radyo Baguio, kinuna ni PLt.Col. Roldan Cabatan, dadaulo ti Traffic Enforcement Unit ti Baguio City Police Office a paset daytoy ti nabukel a plano tapnu masolosyonan ti parikut iti kinakurang dagiti paradaan ditoy siudad.
Maipalagip a kagiddan ti panagadu dagiti turista iti siudad ket immado met dagiti lugan ken immilet ti trapiko nga intunda ti panagkurang dagiti pagparadaan.
Sigun kenni Cabatan, agpaut ti panakaipalubos ti road-side parking agingga inton January 5.
Dinakamatna a babaen iti daytoy ket adda ti usaren dagiti turista no apanda kadagiti tourist destinations.
Innayonna pay a dagiti road-side parking ket binigbig a mismo ti Technical Working Group ti Traffic and Transportation Management Division ti City Engineering Office.
