BAGUIO CITY – Agtultuloy a pagparparikutan dagiti market maintenance team iti Baguio City Public Market ti aglalaok wenno saan a segragated a basura.
Sigun ken Mark Fernandez, maysa kadagiti volunteer ti Solid Waste Management, maobserbaran latta iti saan nga umno a pannakaisina sina dagiti basura gapu ta awan iti agbambantay kadagiti uppat a collection points dagitoy.
Kinunana nga arigna awan iti panangipateg dagiti market vendors ken market goers ti segregation iti basura iti merkado publiko ti syudad
Kasaruno paylaeng iti obserbasyon nga aglalaok dagiti basura a kas iti plastik, bote, karton ken kasta metten a mabaybay an laeng dagiti nabubulok a natnateng ken prutas a nakatambak sadiay
Kagiddan iti dayta, naibinsa nga agtultuloy latta ti panagpalagip ti Market Maintainance ti syudad iti publiko para iti umno a panangibellengda iti basura dagitoy
