Binallaagan ni Sen. Alan Peter Cayetano ni acting Senate President Sherwin Gatchalian a saan nga agpaaramat iti Malacañang ken dagiti kaalyadona iti politika.
Sigun kenni Cayetano, nasken a salakniban ni Gatchalian ti masakbayanna iti politika kalpasan a nabotosan kas acting Senate president idi June 03, 2026.
“Kaya nga sabi ko mag-ingat si (Gatchalian) kasi maganda naman future niya. Huwag ka magpagamit sa Malacañang at dun sa mga kasamahan mo kahit binibigyan ka ng high position,” sigun kenni Cayetano
Innayonna nga ipasana ti balakad nga impaay kekuana ti maysa a mentor ken indagadagna kenni Gatchalian nga awatenna laeng dagiti posision ti liderato no umiso ti pannakaipaay daytoy.
“I’ll give you the advice that someone I really respect gave me which is ‘Receive, don’t grab.’ I didn’t grab the Senate presidency in 2016. I didn’t grab it in 2025. I didn’t grab it in February 2022, but to God’s grace napunta sa akin,”
Daytoy ti kinana ni Cayetano, tallo nga aldaw kalpasan a nasukatan ti liderato iti Senado.
Kabayatanna, binabalaw ti nasao a Senador ti direktiba ni Gatchalian a mangipalubos kadagiti empleyado ti Senado nga agtrabaho manipud iti pagtaenganda idi Huebes iti tengnga ti tension mainaig iti blue ribbon committee proceedings.
“Unang issuance work from home… Hindi ba katawa-tawa yun?” sigun kenni Cayetano
Mainaig iti dayta, impeksana nga unconstitutional ti pannakabotos ni Gatchalian no sadino, impettengna a kasapulan ti 13 a botos dagiti Senador tapno lehitimo daytoy kas presidente ti Senado.
