Naaddaan ti tension iti nagbaetan da Senador Joel Villanueva ken Robin Padilla bayat ti plenary session itay laeng gapu iti agsinnabali a takderda seknan iti mosion a mangkidkiddaw a madismisar ti impeachment complaint kontra Vice President Sara Duterte.
Bayat ti session, sinalungasing ni Villanueva ti mosion ni Senador Ronald “Bato” Dela Rosa a materminate ti verified impeachment complaint kontra kenni Vice President Sara Duterte.
Sigun met kenni Senador Padilla, ti impeachment court ket rumbeng nga ag-convene ita nga aldaw.
Idi nasuspindir ti session, maimatangan nga inasitgan ni Padilla ni Villanueva kalpasan ti nabara a panagsuppiatda iti plenario.
Ditoy metten nga inanawa dagiti padada a senador da Villanueva ken Padilla.
Ngem kalpasan ti sumagmamano a minutos, naimatangan a nag-innarakop ti dua a senador kaduada ni Senador Dela Rosa.
