--Ads--
Impeksa ni Senator Ronald “Bato” dela Rosa a ninamnamana ti panagpabor dagiti House of Representatives iti panakaimpeach ni Duterte gapu iti panagregget dagitoy.
Inyunay-unayna met nga iti panagbalinna kas judge ket pagtalinaedenna ti “political neutrality” iti laksid a naasideg daytoy iti pamilya a Duterte.
Innayonna pay nga iti panagbalinna kas judge ket mabawasan met ti orasna para iti panagkampanya nangruna ket umadanin ti campaign period dagitoy.
Iti sabali a bangir, nanaganan dagiti sangapulo ket maysa a mamanday-linteg a karaman iti prosecution panel iti impeachment ni Vice President Sara Duterte.
Maipalagip nga iti panakaisakad ti maikapat nga impeachment complaint kontra kenni Duterte, 215 a kongresista ti pimmabor iti daytoy.
