Manamnama a mapan iti pribado a kompanya, partikular iti Metro pacific tallways corporation, maysa a kompanya sadiay Metro Manila ti siento persiento a makolekta iti maisaksakad a congestion fee iti siudad ti Baguio, apaman a maipatungpal daytoy.
Maibasar iti maisaksakad a congestion fee, agbayad dagiti pribado a lugan, taxi, jeepneys ken dadduma pay kadagiti kalsada iti central business partikular iti Leonard Wood Road, Bagumbayan Road, Upper session road, Kisad Road, Marcelo H. Dil Pilar road, Cariño street, City Camp, Magsaysay road, Dominican Road, Gibraltar Road ken dadduma pay.
Iti panakiyuman ti Bombo Radyo kenni Benny Bomogao, Councilor ti siudad ti Baguio, inlawlawagna a manipud iti siento persiento nga alaen ti nasao a pribado a kompanya, 10 percent ti maipaay kadagiti local transport group iti siudad.
Nupay kasta, inyunay-unaay ni Bomogao a saan a legal ti panagkoleta iti kwarta kadagiti transportasion, nangruna no alaen dagiti pribado a kompanya dagiti makuliktar a kwarta.
Sigun pay iti nasao nga opisial, adu dagiti dadduma nga addang tapno makatulong iti panakaimanihar iti gunay ti trapiko iti siudad, malaksid iti nasao congestion fee kas iti panangpalawa ti coding scheme ken dadduma pay//mp4
