Inawagan ti Malakanyang ni sigud a President Rodrigo Duterte nga “one-man fake-news factory” kalpasan nga inakusaranna ni President Ferdinand Marcos Jr. a “veering towards dictatorship.”
Daytoy ket kalpasan a binallaaganna ni sigud a President Duterte ti publiko bayat ti rally sadiay Cebu idi napalabas a lawas a plano ni Marcos Jr. nga isardeng ti 2028 presidential elections tapno agtalinaed iti turay a kas iti amana a ni Ferdinand Marcos Sr., a nangideklara iti martial law idi 1972.
Sigun kenni Executive Secretary Lucas Bersamin, maysa manen a “budol” ti rimsua manipod iti inawaganna nga “one-man fake-news factory.”
Kinunana pay nga awan ti pangibasaran ti sigud a Presidente iti kinunana.
Maipalagip a ti aliansa iti nagbaetan ti pamilia Duterte ken Marcos ket napasamaka sipud idi tawen 2024, idi inakusarn ni sigud a President Duterte ni Marcos Jr. nga agar-aramat ti iligal a droga.
