Tarigagay ni sigud a President Rodrigo Duterte a makasubli iti pagilian a Pilipinas iti kabiitan a panawen kalpasan ti dandani a makabulan a panagiyanna iti Scheveningen Prison sadiay The Hague, Netherlands.
Daytoy ket impakaamo ni Vice President Sara Duterte kalpasan iti phone callna iti ama daytoy.
Sigun kenni sigud a President Duterte, lakay daytoyen ken posible a matay daytoy iti anyaman nga oras rason a kayatna a matay iti bukodna a pagilian.
‘I am an old man, I can die anytime but I want to die in my country.’
Former President Rodrigo Duterte
Maawatan met ni Vice President Sara ti kiddaw ti amana ken inlawlawagna nga ar-aramidenda ti amin a kabaelanda tapno mawayawayaan daytoy iti kaso a sangsangoenna a crimes against humanity.
Inaldaw met nga adda iti abogado a mangbisbisita kenni Duterte iti nakadetain-anna a mangilawlawag kadagiti proseso nga ar-aramiden dagitoy.
Iti sabali a bangir, kabayatan ti phone call dagiti agama ket nangeg ti sigud a Presidente ti panagcheer dagiti supporters daytoy nga adda iti ruar ti detention facility.
Gapu iti dayta, inyebkasna ti panagyamanna ken inyunay-unayna nga ti inaramidna idi administrasyon daytoy ket para iti pagilian.
‘Please extend them my thank you. We all hope for the best. And everything I did, I did for my country. Whether that statement is acceptable or not, but everything I did, I did for my country. And I want that message out to the world’
Former President Rodrigo Duterte
