Inwaragawag ti House’s quad committee idi kalman a karamanen ti Philippine National Police (PNP) iti panakaanup kenni sigud a Presindential spokesman a ni Harry Roque, kalpasan nga imbilin iti Committee ti pannakaarestarna.
Kasarino daytoy iti panagkedked ni Roque a mangisubmitir kadagiti subpoenaed documents, mainaig iti mapapati a pannakairamanna kadagiti illegal a Philippine offshore gaming operators (POGOs).
Sigun kenni panel co-chair ken Sta. Rosa, Laguna Representative Dan Fernandez, manarimaan ti panakikoordinar dagitoy iti National Capital Region Police Office ken ti Criminal Investigation and Detection Group tapno masigurado ti napartak a pannakatiliw ni Roque.
Maipalagip nga inserbi ti Kamara ti warrant of arrest iti law office ni Roque sadiay Makati City itay kanikadwa, September 13, 2024.
Nupay kasta, saan a nasarakan ni Roque sadiay.
Kabayatanna, kinuna ni Panel co-chair ken Surigao del Norte Representative Robert Ace Barbers a nagkedked ni Roque a makitinnulong kadagiti otoridad, nu sadino ad-adda a nangpauneg kadagiti suspetsa mainaig iti pannakairamanna iti industria ti POGO.
Nagpalagip pay ni Barbers kenni Roque a maikari ti publiko a malawlawagan, nangnangruna kadagiti banag a pakairamanan dagiti napateg a legal ken financial questions.
Indagadag met ti komite iti publiko nga ipaayda ti aniaman nga impormasion iti pakasarakan ni Roque, tapno matulongan dagiti pannakabagi ti linteg.
