Makumikom itan ni sigud a World Boxing Title Challenger Arthur Villanueva para iti mapadpadaanan a laban daytoy kontra kenni Mexican boxer Bryan Mercado iti World Boxing Council (WBC) International International super-bantamweight belt sadiay Mexico into Pebrero siete, iti agdama a tawen
Iti pannakiuman ti Bombo Radyo kenkuana kinunana nga addan ti plano daytoy iti nasao a labanda no sadino daytoy ket ti panangaramatna iti pigsana tapno iknockout ti kalabanna.
Sigun kenkuana napintas ti panagsanay dagitoy a nangrugi idi Disyembre gapu ta dagiti ka-sparringna ket dakdakkel ken nadagdagsen dagitoy kumpara kenkuana.
Naragsak pay daytoy agsipud ta nagbalin a coachna dagiti nalalatak a boksingero a da Eight World Division title holder Manny Pacquiao ken Conditioning coach Justine Fortune.
Nupay kasta, naitantan iti agarup tallo nga aldaw ti panagsanay dagitoy gapu ta nagrekep dagiti gyms gapu iti wildfire sadiay California.
Iti baet dayta, nagaramid dagitoy iti dadduma a wagas tapno mapagtalinaed ti kinapigsana ken ti conditioning workouts daytoy.
Innayonna met a nasken a saysayaatenna ti labanna agsipud ta nalaing ken napigsa ti agbalin a kalabanna.
Kabayatanna, agkidkiddaw met daytoy iti suporta kadagiti fans ken supportersna para iti nasao a laban daytoy.
