Naisayangkat ita nga aldaw, Marso Bente sais ti simultaneous earthqauke drill iti city government ti Baguio.
Sigun paylaeng kenni Julius Santos, operations head ti City Disaster Risk Reduction and Management Office (CDRRMO), naitantan ti panakaipatungpal ti nasao nga aktibidad gapu iti modified alarm system dagitoy.
Sigun kenni Santos, naipakaammo kadagiti empleyado ti amin nga opisina ti city government sakbay a naipatungpal ti nasao nga aktibidad.
Maibasar met iti obserbasyon ti nasao nga opisyal, ngumatngato ti bilang dagiti makiparpartisipar gapu ta bigbigbigen dagitoyen ti kinapateg ti nasao nga aktibidad.
Dinakamat ni Santos a ti sumaysayaat a rekord ket nalabit nga adda pakainaiganna iti panagbuteng dagiti indibidwal iti napasaran a gingined idi dosmil bente dos.
Mainaig iti dayta, kidkiddawen met ti nasao nga opisina ti panaggatang ti lokal a gobyerno ti siudad kadagiti earthquake monitoring devices a makatulong iti panagmonitor kadagiti establishimento nu adda ti manamnama a gingined.
Kabayattanna, adda adda metten ti naipasdek nga evacuation areas partikular iti Lower Rock Quarry ken Bakakeng Central, kasta met a manarimaan paylaeng ti panakaaramid ti maysa pay idiay City Camp Proper.//Bombo Rob Dominguez
