“Kasapulak nga aramiden daytoy agsipudta, saan ko a pulos nga ammo no addanto ti aldaw a ti pakaestoryaak ket mangipaay iti inspirasion kadagiti tattao.”
Daytoy ti kinuna ni Atty. Joselle Joy Suero, manipud Olongapo City, kalpasan dagiti amin a kapadasanna iti biag sakbay a nagballigi daytoy kas Attorney.
Sigun kenni Atty. Suero, saan a nalaka ti kabibiag dagitoy iti baet a maysa a manursuro ti inana ken maysa met a security officer ti amana.
Gapu iti arapaap ti inana a maaddaan ti pamiliada iti abogado, inaramidna amin dagiti kabaelanna tapno magun-od na ti kinaabogasia a saan a para iti bagina, no diket para iti inana.
Maysa ni Atty. Suero kadagiti natibker a single mom, no sadino inspirasionna dagiti annakna bayat ti panagdalna iti abogasia.
Iti agdama, pagsagsaganaan ni Atty. Suero ti board exam para iti kina abogasia sadiay California iti Estadus Unidos.//mp4
